کیچ کیوں چھوڑا؟ حارث رئوف نے ساتھی کھلاڑی کامران غلام کو تھپڑ جڑ دیا، سوشل میڈیا پر شدید تنقید

لاہور (پی این آئی)کیچ کیوں چھوڑا؟ حارث رئوف نے ساتھی کھلاڑی کامران غلام کو تھپڑ جڑ دیا، سوشل میڈیا پر شدید تنقید۔۔ لاہور قلندرز کے فاسٹ بولر حارث رؤف نے کیچ چھوڑنے پر ساتھی کھلاڑی کامران غلام کو تھپڑ دے مارا۔ قذافی سٹیڈیم لاہور میں کھیلے جا رہے میچ کے دوران کامران غلام نے پشاور زلمی کے جارحانہ بلے باز زازئی کا ہاتھوں میں آیا کیچ ڈراپ کیا جس پر بولر نے سخت غصے کا اظہار کیا۔

Harris Rauf slaps Kamran for not taking catch on his bowl. Respect is more than anything and Harris should apologize for it.#PZvLQ #PSL2022 #lahoreQalandars pic.twitter.com/Ye3rygvXM5

— Tasadduq Hussain🇵🇰 (@Tasadduq009) February 21, 2022

حارث رؤف نے زلمی کے اوپنر محمد حارث کی وکٹ لی تو ساتھی کھلاڑی خوشی منانے آئے اس دوران حارث رؤف نے کامران غلام کو نشانے پر لیا اور چہرے پر تھپڑ رسید کر دیا۔پرُجوش نوجوان نے بولر کے اس تھپڑ کو سنجیدہ نہیں لیا اور نہ ہی کوئی برہمی کا اظہار کیا، نوجوان کھلاڑی نے ساتھیوں کے ساتھ مل کر بولر کی خوشی میں اپنا حصہ ملایا۔فاسٹ بولر کے اس غیرذمہ دارانہ رویے پر کرکٹ ماہرین، مداحوں اور سوشل میڈیا صارفین نے شدید غصے کا اظہار کیا ہے۔