اعلیٰ ثانوی تعلیمی بورڈ کراچی نے انٹرمیڈیٹ بارہویں جماعت سائنس پری انجینئرنگ گروپ کے سالانہ امتحانات برائے 2025ء کے نتائج کا اعلان کر دیا۔
چیئرمین انٹر بورڈ کراچی فقیر محمد لاکھو کے مطابق اس سال کی پہلی تینوں پوزیشنز طالبات نے حاصل کی ہیں، جبکہ پہلی پوزیشن مشترکہ طور پر دو طالبات کے حصے میں آئی۔ پہلی پوزیشن عثمان پبلک اسکول کیمپس ون کی طالبہ لائبہ انصاری بنت محمد عاصم عبدالعزیز (رول نمبر 219251) اور بی اے ایم ایم پی ای سی ایچ ایس گورنمنٹ کالج فار ویمن کی طالبہ سیدہ عنزیلہ حیدر زیدی بنت سید عقیل حیدر زیدی (رول نمبر 221331) نے مشترکہ طور پر حاصل کی، دونوں نے 1100 میں سے 1019 نمبر لے کر اے ون گریڈ حاصل کیا۔
دوسری پوزیشن بی اے ایم ایم پی ای سی ایچ ایس گورنمنٹ کالج فار ویمن کی طالبہ آئزل مرحا بنت زبیر عارف (رول نمبر 221211) نے 1014 نمبر کے ساتھ حاصل کی، جبکہ تیسری پوزیشن ہمدرد انٹرمیڈیٹ کالج فار سائنس اینڈ کامرس بلاک ایچ نارتھ ناظم آباد کی طالبہ حفصہ عمران بنت عمران (رول نمبر 219422) نے 1010 نمبر لے کر اپنے نام کی۔ ناظم امتحانات زرینہ راشد کے مطابق سائنس پری انجینئرنگ گروپ کے امتحانات میں 21 ہزار 617 امیدواروں نے رجسٹریشن کرائی، جن میں سے 21 ہزار 19 امیدوار شریک ہوئے اور 11 ہزار 547 امیدوار کامیاب قرار پائے۔ یوں کامیابی کا تناسب 54.94 فیصد رہا۔
گریڈز کی تقسیم کے مطابق: 1035 امیدوار اے ون، 1762 امیدوار اے، 2351 امیدوار بی، 2938 امیدوار سی، 3124 امیدوار ڈی اور 296 امیدوار ای گریڈ میں کامیاب ہوئے، جبکہ 41 امیدوار محض پاس قرار پائے۔
تازہ ترین خبروں کے لیے پی این آئی کا فیس بک پیج فالو کریں
