کراچی: ڈسٹرکٹ جیل ملیر میں بھارتی قیدی گورو ولد رام آنند نےخودکشی کرلی۔
جیل انتظامیہ کے مطابق بھارتی قیدی جیل کے واش روم میں گیا اور پھندا لگا کر خودکشی کی، ملزم کو 17 فروری 2022 کو جیل منتقل کیا گیا تھا۔انتظامیہ کا بتانا ہے کہ مرنے والے قیدی کی لاش سہراب گوٹھ پر واقع سرد خانے منتقل کردی گئی ہے اور واقعے کے حوالے سے مزید معلومات حاصل کی جارہی ہیں۔ سپرنٹنڈنٹ ڈسٹرکٹ جیل ملیر کے مطابق خودکشی کا واقعہ 24 اور 25 مارچ کی درمیانی شب پیش آیا، جیل کے ڈاکٹر ز سے موت کی تصدیق کے بعد لاش کو قانونی کارروائی کے لیے جناح اسپتال منتقل کیا۔
سپرنٹنڈنٹ ارشد شاہ کے مطابق مجسٹریٹ کی زیر نگرانی لاش کا پوسٹ مارٹم کیا جائےگا۔جیل سپرنٹنڈنٹ کا کہنا ہے کہ گورو کی دستاویزات اور قومیت سے متعلق قونصلیٹ کے ساتھ مشاورت جاری تھی، گورو کو دیگربھارتی قیدیوں کے ساتھ رکھا گیا تھا، ملزم بہت کم بات چیت کیا کرتا تھا۔
تازہ ترین خبروں کے لیے پی این آئی کا فیس بک پیج فالو کریں
