لاڑکانہ: سندھ کے شہر لاڑکانہ میں گیس سلنڈر پھٹنے کے افسوسناک واقعے میں ایک خاتون جاں بحق ہوگئیں جبکہ سات افراد زخمی ہو گئے ہیں۔
لوہر کالونی میں گیس سلنڈر پھٹنے کے دھماکے سے تین گھروں کی چھتیں گر گئیں، جس کے نتیجے میں 50 سالہ خاتون یاسمین ملبے میں دب کر جاں بحق ہو گئیں۔ سات زخمی افراد کو ملبے سے نکال کر ہسپتال منتقل کیا گیا، جن میں سے چار شدید زخمی بچوں کو علاج کے لیے کراچی بھیج دیا گیا ہے۔
12 سالہ علیشا، 10 سالہ زویا سمیت دو دیگر بچے تشویشناک حالت میں لاڑکانہ کے ٹراما سینٹر سے کراچی منتقل کیے جا رہے ہیں۔ مقامی لوگوں کے مطابق دھماکا مختار جتوئی کے گھر میں ہوا، جس سے قریبی گھروں کو بھی شدید نقصان پہنچا۔
تازہ ترین خبروں کے لیے پی این آئی کا فیس بک پیج فالو کریں
