جانور کے ساتھ بدسلوکی کا ایک اور واقعہ، بھینس کی زبان کاٹ دی۔۔۔۔۔۔۔۔۔۔ گھوٹکی میں بے زبان جانور کے ساتھ بدسلوکی کا ایک اور واقعہ سامنے آگیا۔
پولیس کے مطابق یہ واقعہ سردار گڑھ کے علاقے میں پیش آیا جہاں نامعلوم افراد نے بے زبان جانور کے ساتھ ظلم کی انتہا کی۔پولیس کے مطابق نامعلوم افراد نے بھینس کی زبان کاٹ دی جس کے بعد ملزمان فرار ہوگئے۔پولیس کاکہنا ہےکہ واقعے کے بعد ملزمان کی تلاش شروع کردی ہے، ان کے خلاف مقدمہ درج کرکے انہیں گرفتار کیا جائے گا۔واضح رہے کہ اس سے قبل بھی سرگودھا میں لوڈر رکشے سے چارہ کھانے پر رکشے کے مالک نے بھینس کی زبان کاٹ دی تھی۔
تازہ ترین خبروں کے لیے پی این آئی کا فیس بک پیج فالو کریں
