کراچی (آئی این پی)وزیراعظم شہباز شریف کی ہدایت پر کراچی میں گیس لوڈ شیڈنگ کا مسئلہ ایک دن میںحل ہوگیا۔جمعرات کو وزیراعظم کی زیر صدارت اجلاس ہوا۔ وزیراعظم کی زیر صدارت اجلاس میں کراچی میں رمضان المبارک کے دوران گیس کے دبائو میں کمی، تعطل اور لوڈ شیڈنگ پر تفصیلی بریفنگ دی گئی۔وزیراعظم نے سحر و افطار میں شہریوں کو گیس کی بلاتعطل فراہمی یقینی بنانے کی ہدایت کی۔
ماہ صیام کے دوران گیس فراہمی کے حوالے سے جامع حکمت عملی اپنانی چاہیے تھی، وزیراعظم حکام پر برس پڑے ،وزیراعظم نے گزشتہ روز پارلیمنٹ میں کراچی میں گیس فراہمی کی شکایات کا سخت نوٹس لیا تھا ،وزیراعظم کے گزشتہ روز کے احکامات پر ہنگامی عمل درآمد کیاگیا ۔جمعرات کو منعقدہ اجلاس میں وزیراعظم کو بتایا گیا کہ کراچی میں گیس تعطل کا مسئلہ حل کر لیا گیا ہے۔وزیر اعظم نے گیس فراہمی کے عمل کی مسلسل نگرانی کرنے اور کوئی کوتاہی نہ برتنے کی سخت ہدایت کی ہے۔۔۔۔
تازہ ترین خبروں کے لیے پی این آئی کا فیس بک پیج فالو کریں
