لاہور میں بسنت کے موقع پر ضلعی انتظامیہ نے پتنگ اور ڈور بنانے والوں کے لیے رجسٹریشن فیس مقرر کر دی ہے۔
پنجاب حکومت کی جانب سے بسنت منانے کی مشروط اجازت کے بعد ضلعی انتظامیہ نے پتنگ سازی، ڈور کی تیاری اور کائٹ فلائنگ ایسوسی ایشنز کے لیے واضح قواعد و ضوابط جاری کر دیے ہیں۔
انتظامیہ کے مطابق ڈور اور پتنگ بنانے والے مینوفیکچررز کی رجسٹریشن فیس ایک ہزار روپے مقرر کی گئی ہے، جبکہ کائٹ فلائنگ ایسوسی ایشنز کے لیے رجسٹریشن فیس 5 ہزار روپے ہوگی۔ پتنگ اور ڈور تیار کرنے والوں کو رجسٹریشن کے لیے فارم اے جبکہ کائٹ فلائنگ ایسوسی ایشنز کو فارم سی جمع کرانا ہوگا۔
انتظامیہ کا کہنا ہے کہ ڈور صرف کاٹن سے تیار کردہ دھاگے سے بنائی جائے گی اور اس میں 9 سے زائد تاریں استعمال کرنے کی اجازت نہیں ہوگی۔
تازہ ترین خبروں کے لیے پی این آئی کا فیس بک پیج فالو کریں
