پنجاب حکومت نے لاہور میں اگلے سال فروری سے ٹرام سروس شروع کرنے کا اعلان کر دیا ہے۔
وزیر ٹرانسپورٹ پنجاب بلال اکبر خان کے مطابق ٹھوکر سے ہربنس پورہ تک ٹرام سروس 2026ء میں شروع ہوگی جس میں 270 نشستوں کی گنجائش ہوگی جبکہ منصوبے پر 30 لاکھ ڈالر لاگت آئے گی۔ صوبائی وزیر نے بتایا کہ منصوبے کے لیے پنجاب نیسپاک اور پی ایم اے افسران نے چین کا دورہ کیا۔ اس کے ساتھ ہی فیصل آباد اور گوجرانوالہ میں میٹرو ٹرین چلانے کا فیصلہ بھی کیا گیا ہے۔ فیصل آباد میٹرو روزانہ 3 لاکھ جبکہ گوجرانوالہ میٹرو یومیہ 1 لاکھ 40 ہزار مسافروں کو سہولت فراہم کرے گی۔
بلال اکبر خان کے مطابق فیصل آباد میٹرو منصوبے کی لاگت 110 ملین ڈالر اور گوجرانوالہ منصوبے کی لاگت 50 ملین ڈالر مقرر کی گئی ہے۔ ان کا کہنا تھا کہ لاہور میں بڑھتی ماحولیاتی آلودگی پر قابو پانے کے لیے ٹرام اور میٹرو منصوبے اہم کردار ادا کریں گے۔
تازہ ترین خبروں کے لیے پی این آئی کا فیس بک پیج فالو کریں
