لاہور: انسداد دہشت گردی عدالت نے 9 مئی کے جلاؤ گھیراؤ اور اشتعال انگیز تقاریر کیس میں پنجاب اسمبلی میں اپوزیشن لیڈر ملک احمد بچھر کو 10 سال قید کی سزا سنا دی۔
انسداد دہشت گردی عدالت کے جج ارشد جاوید نے کوٹ لکھپت جیل میں مقدمے کی سماعت مکمل کی، جس میں وکلا کے حتمی دلائل کے بعد فیصلہ سنایا گیا۔ عدالت نے ایم این اے احمد چھٹہ سمیت تمام دیگر کارکنان کو بھی 10، 10 سال قید کی سزا سنائی۔ فیصلے کے وقت احمد خان بچھر سمیت کوئی بھی ملزم عدالت میں موجود نہیں تھا، تاہم عدالت نے تمام 32 ملزمان کو حاضری سے استثنیٰ دے رکھا تھا۔
عدالت نے مزید بتایا کہ ڈاکٹر یاسمین راشد کے وکیل کل صبح 10 بجے دلائل مکمل کریں گے جس کے بعد ان کا فیصلہ سنایا جائے گا۔ شاہ محمود قریشی سمیت 14 ملزمان کا ٹرائل بھی مکمل کیا جا چکا ہے، جن کے خلاف 61 سرکاری گواہوں نے بیانات ریکارڈ کرائے۔ یاد رہے کہ میانوالی ہنگامہ آرائی اور توڑ پھوڑ کیس کے بیشتر ملزمان اس وقت ضمانت پر ہیں۔
تازہ ترین خبروں کے لیے پی این آئی کا فیس بک پیج فالو کریں
