برتھ اور ڈیتھ رجسٹریشن فیس ختم۔۔۔۔۔۔۔۔۔ لاہور: پنجاب حکومت نے برتھ اور ڈیتھ رجسٹریشن رولز 2025 نافذ کرتے ہوئے صوبے بھر میں برتھ اور ڈیتھ رجسٹریشن فیس ختم کردی۔
ترجمان پنجاب حکومت کے مطابق صوبے میں برتھ اور ڈیتھ رجسٹریشن فیس ختم کردی گئی ہے، اب برتھ اور ڈیتھ کی رجسٹریشن بلا معاوضہ کرائی جاسکےگی جب کہ وزیراعلیٰ پنجاب کی ہدایت پر برتھ اور ڈیتھ کمپیوٹرائزڈ سر ٹیفکیٹ مفت جاری ہوگا۔وزیراعلیٰ پنجاب مریم نواز کا کہنا ہےکہ شناخت ہر شہری کا بنیادی حق ہے، شہریوں کے لیے آسانیاں پیدا کرنا چاہتے ہیں، سروسز کے حصول کے لیے ڈیتھ اوربرتھ ڈیجیٹل سرٹیفکیٹ لازم ہے، اب شہری یونین کونسل اور میونسپل کمیٹی میں 7سال تک بلامعاوضہ اندراج کراسکتے ہیں۔
برتھ اور ڈیتھ کی لیٹ رجسٹریشن پر کورٹ ڈگری کی شرط بھی ختم کردی گئی ہے، شہری بروقت اندراج کرا کر اپنے شہری حقوق کا تحفظ یقینی بنا سکتے ہیں۔
تازہ ترین خبروں کے لیے پی این آئی کا فیس بک پیج فالو کریں
