سرگودھا: نواحی گاؤں سے 13 سال کی لڑکی کو اغوا کرکے 4 افراد تین ماہ تک گن پوائنٹ پر اجتماعی زیادتی کرتے رہے۔
پولیس کے مطابق سرگودھا کے نواحی گاؤں 132 جنوبی کی رہائشی 13 سالہ لڑکی کو تین ماہ قبل گاؤں کے ایک شخص نے اغوا کیا۔ملزم فرضی نکاح کرکے لڑکی کو لاہور میں ایک گھر میں لے گیا جہاں اسے اپنی ہوس کا نشانہ بناتا رہا، اس دوران ملزم کے دیگر تین دوست بھی گن پوائنٹ پر لڑکی کو اپنی ہوس کا نشانہ بناتے رہے اور ویڈیو فلم بھی بنائی تاہم 3 ماہ بعد لڑکی ملزمان کے چنگل سے فرار ہوگئی۔
متاثرہ لڑکی کے والد کا کہنا ہے کہ جب وہ 3 ماہ بعد اپنی بیٹی سے ملا تو اس کے کپڑے پھٹے ہوئے تھے اور حالت غیر تھی۔ پولیس کا کہنا ہے کہ لڑکی کے والد کی مدعیت میں مقدمہ درج کرلیا گیا ہے اور تحقیقات کے لیے اسپیشل ٹیم تشکیل دے دی گئی ہے جب کہ ملزمان کو جلد گرفتار کرلیں گے۔
تازہ ترین خبروں کے لیے پی این آئی کا فیس بک پیج فالو کریں
