سرکاری ملازمتوں کے مواقع، بیروزگاروں کیلئے بڑی خوشخبری آ گئی

محکمہ داخلہ پنجاب نے میڈیا تھنک ٹینک فار ریزیلینس اینڈ کاؤنٹر نیریٹو انیشی ایٹو کے تحت مختلف آسامیوں کے لیے درخواستیں طلب کر لی ہیں۔

محکمہ داخلہ کے مطابق بھرتی کے اس عمل میں ڈائریکٹر میڈیا اینڈ کمیونیکیشن، ڈیٹا اینالسٹ، میڈیا سیل سپروائزر، ویڈیو ایڈیٹر/اینیمیٹر، گرافک ڈیزائنر، کانٹینٹ رائٹرز (انگریزی و اردو)، ایس ایم او ایکسپرٹ، کیمرہ مین/فوٹوگرافر اور میڈیا مانیٹرنگ اسسٹنٹس سمیت متعدد عہدے شامل ہیں۔ ان آسامیوں کے لیے اہل، باصلاحیت اور پیشہ ور افراد کو مارکیٹ کے مطابق پرکشش معاوضہ فراہم کیا جائے گا۔

اعلامیے کے مطابق خواہش مند امیدوار اپنی درخواستیں پنجاب جاب پورٹل www.jobs.punjab.gov.pk کے ذریعے آن لائن جمع کرا سکتے ہیں۔ آن لائن درخواست جمع کروانے کے بعد امیدواروں کو اپنی پرنٹ شدہ درخواست، سی وی (CV)، تصدیق شدہ شناختی کارڈ، ڈومیسائل، تعلیمی اسناد، تجربہ سرٹیفکیٹس، تعریفی اسناد اور دو عدد حالیہ پاسپورٹ سائز تصاویر رجسٹرڈ کوریئر کے ذریعے 5 جنوری 2026 تک سیکشن آفیسر (جنرل)، محکمہ داخلہ، پنجاب سول سیکرٹریٹ لوئر مال، لاہور میں جمع کروانی ہوں گی۔

محکمہ داخلہ کا کہنا ہے کہ اس اقدام کا مقصد صوبے میں میڈیا اور کاؤنٹر نیریٹو حکمت عملیوں کو مؤثر بنانے کے لیے قابل اور تجربہ کار افرادی قوت کو شامل کرنا ہے۔