سرگودھا کی انسدادِ دہشتگردی عدالت نے 9 مئی جوڈیشل کمپلیکس میانوالی حملے سے متعلق مقدمے کا فیصلہ سنا دیا۔ عدالت نے گرفتار ملزم اسماعیل کو 25 سال قید کی سزا سنائی، جبکہ احمد خان بچھر، احمد چھٹہ اور بلال اعجاز سمیت 51 افراد کو اشتہاری قرار دیا گیا۔
یاد رہے کہ عدالت پہلے ہی پاکستان تحریک انصاف کے رہنما عمر ایوب خان کے ناقابلِ ضمانت وارنٹ گرفتاری جاری کر چکی ہے۔ دوسری جانب، گزشتہ روز فیصل آباد کی انسداد دہشتگردی کی خصوصی عدالت کے جج جاوید اقبال شیخ نے 9 مئی کے تین مختلف مقدمات میں اپوزیشن لیڈر عمر ایوب، سینیٹ میں قائد حزب اختلاف شبلی فراز، رکن قومی اسمبلی زرتاج گل اور صاحبزادہ حامد رضا سمیت 196 پی ٹی آئی رہنماؤں اور کارکنوں کو 10 سال تک قید کی سزائیں سنائی تھیں۔
اسی کیس میں عدالت نے فواد چوہدری، زین قریشی اور خیال کاسترو سمیت 88 افراد کو بری بھی کر دیا۔
تازہ ترین خبروں کے لیے پی این آئی کا فیس بک پیج فالو کریں
