لاہور(آئی این پی)وزیراعلی پنجاب حمزہ شہباز عہدے کا حلف اٹھانے کے بعد گورنر ہائوس سے وزیراعلی آفس آئے، وزیراعلی پنجاب حمزہ شہباز کووزیراعلی آفس آمد پر گارڈ آف آنر پیش کیا گیا-وزیراعلی حمزہ شہباز کوپولیس کے چاق و چوبند دستے نے سلامی پیش کی- وزیراعلی حمزہ شہباز نے گارڈ آف آنر کا معائنہ کیا-وزیراعلی حمزہ شہباز نے وزیراعلی آفس کے افسروں اور عملے سے ملاقات کی-وزیراعلی حمزہ شہبازنے افسروںو عملے کو محنت اور لگن سے سرکاری فرائض انجام دینے کی ہدایت کی-وزیراعلی حمزہ شہبازنے کہاکہ اچھے نتائج اور بہترین سروس ڈلیوری کیلئے پولیس اور انتظامیہ کو مربوط انداز میں فرائض سرانجام دینا ہوں گے۔
غیر جانبداری اور قواعد و ضو ابط کے مطابق فرائض سرانجام دینا اچھے افسر کی پہچان ہے۔انہوںنے کہاکہ عوام کو اچھی خدمات کی فراہمی ہر صورت یقینی بنائی جائے گی۔یہ وقت محنت کر کے عوام کو ڈلیور کرنے کا ہے۔ عام آدمی کی زندگیوں میں آسانی پیدا کرنے کیلئے نئے عزم اور جذبے سے کام کرنا ہوگا۔وزیر اعلی پنجاب حمزہ شہبازکی حضرت علی ہجویری داتا گنج بخش کے مزار پر حاضری، پھولوں کی چادر چڑھائی،ملک کی ترقی کیلئے دعا لاہور ( آئی این پی )وزیر اعلی پنجاب محمد حمزہ شہبازشریف نے حضرت علی ہجویری داتا گنج بخش کے مزار پر حاضری دی- وزیر اعلی پنجاب محمد حمزہ شہبازشریف نے مزار پر پھولوں کی چادر چڑھائی اور دعا کی-وزیر اعلی پنجاب محمد حمزہ شہباز شریف نے حضرت داتا گنج بخش کے مزار پر ملک و قوم کی ترقی و خوشحالی، سلامتی، استحکام اور سربلندی کیلئے دعا کی-
وزیراعلی محمد حمزہ شہبازشریف نے کہاکہ حضرت داتا گنج بخش نے برصغیر میں امن و آشتی کا درس دیا۔آج ہمیں امن ، رواداری اور برداشت کے راستے پر چلنے کی ضرورت ہے۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
