اسلام آباد کی ایک نجی ہاؤسنگ سوسائٹی میں آنے والے سیلابی ریلے میں گاڑی سمیت بہہ جانے والے پاک فوج کے ریٹائرڈ کرنل اسحاق قاضی کی لاش مل گئی ہے، جبکہ ان کی بیٹی کی تلاش تاحال جاری ہے۔
تفصیلات کے مطابق، شدید بارش کے بعد کرنل (ر) اسحاق اپنی بیٹی کے ہمراہ گھر سے نکلے تھے، جب ان کی گاڑی اچانک بند ہو گئی۔ اسی دوران تیز پانی کا ریلا آیا اور دونوں باپ بیٹی گاڑی سمیت بہہ گئے۔ ریسکیو ادارے گزشتہ دو روز سے باپ بیٹی کی تلاش میں مصروف تھے۔ ابتدائی سرچ آپریشن کے دوران برساتی نالے میں گاڑی کا بمپر اور سائیڈ مرر ملے تھے، تاہم مکمل گاڑی اور متاثرین کا سراغ نہیں لگ سکا تھا۔
ریسکیو حکام کے مطابق کرنل (ر) اسحاق قاضی کی لاش اب دریائے سواں کے پل کے قریب سے برآمد کر لی گئی ہے، جبکہ ان کی بیٹی کی تلاش جاری ہے۔ اس سے قبل سرچ آپریشن کے دوران گاڑی کا بونٹ اور دروازہ بھی دریا سے ملا تھا۔
تازہ ترین خبروں کے لیے پی این آئی کا فیس بک پیج فالو کریں
