کل بجلی بند رہے گی؟کن علاقوں میں ؟ جانئے

کوئٹہ سمیت بلوچستان کے مختلف علاقوں میں 20 اور 21 نومبر کو بجلی کی طویل بندش کا اعلان کیا گیا ہے۔ کیسکو کے مطابق مختلف گرڈ اسٹیشنز پر جاری ترقیاتی اور مرمتی کام کے باعث متعدد فیڈرز سے بجلی معطل رہے گی۔

اعلامیے میں بتایا گیا ہے کہ کوئٹہ شہر کے جناح ٹاؤن، بروری روڈ اور جی او آر کالونی فیڈرز سے 10 بجے سے دوپہر 2 بجے تک بجلی بند رہے گی۔ اسی طرح شیخ ماندہ گرڈ کے جبل نور، داریم، ویسٹرن بائی پاس اور خروٹ آباد، جبکہ زرغون گرڈ کے نواں کلی بائی پاس اور صاحبزادہ فیڈرز سے 10:30 سے 2:30 تک بجلی معطل رہے گی۔

انڈسٹرئیل گرڈ کے سریاب مل، شاہنواز، شموزئی، میاں غنڈی اور دیگر فیڈرز سے بجلی 11 بجے سے 3 بجے تک بند رہے گی۔ گلستان اور قلعہ عبداللہ گرڈز پر بھی مرمتی کام کے باعث صبح 10 سے دوپہر 2 بجے تک بجلی بند کی جائے گی۔

مزید یہ کہ 20 اور 21 نومبر کو سریاب گرڈ کے نیو و اولڈ جان محمد روڈ، مری آباد، کاسی ون اور کاسی ٹو فیڈرز پر 10 سے 2 بجے تک بجلی معطل رہے گی۔

اعلامیے میں یہ بھی کہا گیا ہے کہ 21 نومبر کو مری آباد گرڈ کے سید آباد فیڈر، جبکہ شیخ ماندہ گرڈ کے ائیرپورٹ روڈ، تکتو، دوستین اور چشمہ فیڈرز پر 10:30 سے 2:30 بجے تک بجلی بند رہے گی۔ بارکھان اور کوہلو گرڈز سے بھی 21 نومبر کو صبح 9 سے 3 بجے تک اور صحبت پور گرڈ سے 10 سے 2 بجے تک بجلی معطل رہے گی۔

کیسکو کا کہنا ہے کہ یہ بندش سسٹم کی بہتری اور مرمتی کاموں کی بروقت تکمیل کے لیے ضروری ہے تاکہ آئندہ صارفین کو بہتر اور مؤثر بجلی فراہمی یقینی بنائی جا سکے۔