بلوچستان کے ساحلی علاقے گوادر کے قریب کراچی سے تعلق رکھنے والے ماہی گیروں کی کشتی سمندر میں ڈوب گئی، جس کے نتیجے میں 2 ماہی گیر جاں بحق جبکہ 3 تاحال لاپتہ ہیں۔
پاکستان فشر فوک فورم کے مطابق کشتی میں کل 6 ماہی گیر سوار تھے، جن میں سے ایک معجزانہ طور پر زندہ بچ گیا۔ 2 ماہی گیروں کی لاشیں نکال لی گئی ہیں جبکہ باقی 3 کی تلاش جاری ہے۔ حادثے کا شکار ماہی گیروں کا تعلق کراچی کے علاقوں ابراہیم حیدری اور مچھر کالونی سے ہے۔ فورم کا کہنا ہے کہ جاں بحق ہونے والوں میں ایک باپ بیٹا بھی شامل تھے، جن میں سے باپ کی لاش مل چکی ہے جبکہ بیٹا لاپتہ ہے۔
فشر فوک فورم نے ریسکیو آپریشن میں تیزی لانے کا مطالبہ کیا ہے تاکہ لاپتہ ماہی گیروں کو جلد بازیاب کیا جا سکے۔
تازہ ترین خبروں کے لیے پی این آئی کا فیس بک پیج فالو کریں
