پنجاب حکومت نے بیوہ خواتین کے لیے سپورٹ کارڈ اسکیم کی منظوری دے دی ہے۔
اس اسکیم کے تحت پنجاب بھر کی بیوہ خواتین کو مالی معاونت فراہم کی جائے گی اور یہ زکوة اینڈ ویلفیئر ڈیپارٹمنٹ کے زیرِ انتظام لاگو ہوگی۔
ہر مستحق بیوہ خاتون کو ایک لاکھ روپے نقد رقم دی جائے گی۔ اگر بیوہ کا ایک بچہ ہے تو اضافی پچیس ہزار روپے فراہم کیے جائیں گے اور اگر دو بچے ہیں تو مزید پچاس ہزار روپے دیے جائیں گے۔ اسکیم کا مقصد بیوہ خواتین پر مالی دباؤ کم کرنا اور ان کے بچوں کی بنیادی ضروریات پوری کرنے میں مدد فراہم کرنا ہے۔
زکوة اینڈ ویلفیئر ڈیپارٹمنٹ نے اس اسکیم کے لیے چار ارب روپے مختص کیے ہیں، جو بیوہ خواتین کی معاشی حالت مضبوط بنانے اور امدادی ذرائع پر انحصار کم کرنے میں معاون ثابت ہوں گے۔
رپورٹ کے مطابق یہ اسکیم اس ماہ کے آخر تک لاگو ہونے کی توقع ہے اور مستحق خواتین کو جلد ہی رجسٹریشن اور مالی معاونت فراہم کی جائے گی۔
تازہ ترین خبروں کے لیے پی این آئی کا فیس بک پیج فالو کریں
