سندھ حکومت نے تقرر و تبادلوں کے سلسلے میں اہم اقدام کرتے ہوئے دو افسران کو ان کے عہدوں سے ہٹا دیا ہے اور باقاعدہ نوٹیفکیشن بھی جاری کر دیا گیا ہے۔
نوٹیفکیشن کے مطابق اسپیشل سیکریٹری بلدیات اور یلو لائن بس ٹرانزٹ منصوبے کے پراجیکٹ ڈائریکٹر کو موجودہ عہدوں سے ہٹایا گیا ہے۔ دونوں افسران کو ہدایت کی گئی ہے کہ وہ فوری طور پر محکمہ سروسز میں رپورٹ کریں۔ حکومتی اعلامیے میں کہا گیا ہے کہ یہ اقدام انتظامی بہتری اور کارکردگی کو مؤثر بنانے کے لیے کیا گیا ہے۔
سندھ حکومت کی جانب سے یہ تقرر و تبادلے معمول کی کارروائی کے تحت کیے جا رہے ہیں، تاہم انہیں صوبے میں جاری ترقیاتی منصوبوں اور بلدیاتی امور سے بھی جوڑا جا رہا ہے۔ یلو لائن بس ٹرانزٹ منصوبہ صوبے کا ایک اہم عوامی منصوبہ ہے، اور اس میں پیش رفت کو تیز کرنے کے لیے انتظامی سطح پر یہ تبدیلیاں کی گئی ہیں۔
ذرائع کے مطابق محکمہ سروسز آئندہ دنوں میں مزید نوٹیفکیشن جاری کرنے کا امکان بھی رکھتا ہے۔
تازہ ترین خبروں کے لیے پی این آئی کا فیس بک پیج فالو کریں
