خیبرپختونخوا کے ضلع ٹانک میں آج اتوار کو صبح 6 بجے سے شام 6 بجے تک کرفیو نافذ رہے گا۔
ضلعی انتظامیہ کی جانب سے جاری نوٹیفکیشن کے مطابق ضلع ٹانک کی سب ڈویژن جنڈولہ میں کرفیو کے باعث بازار بند رہیں گے جبکہ کرفیو کے دوران ہر قسم کی نقل و حرکت پر مکمل پابندی ہوگی۔ کوڑ قلعہ اور خرگی شاہراہ ٹریفک کے لیے بند رہیں گی۔
نوٹیفکیشن میں بتایا گیا ہے کہ مذکورہ شاہراہوں پر داخلہ سختی سے منع ہے، تاہم صرف ایمرجنسی کی صورت میں متاثرہ راستوں پر پولیس یا سکیورٹی فورسز کی اجازت سے، شناختی کارڈ اور متعلقہ کاغذات جمع کروا کر سفر کی اجازت دی جائے گی۔
نوٹیفکیشن میں مزید کہا گیا ہے کہ کرفیو کے دوران صرف منظور شدہ ایمرجنسی نقل و حرکت کی اجازت ہوگی۔ سکیورٹی فورسز کو دیکھ کر گاڑی 50 میٹر پہلے روکنا ہوگی اور تمام افراد کو گاڑی سے اترنا ہوگا، خلاف ورزی کی صورت میں ذمہ داری متعلقہ فرد پر عائد ہوگی۔
تازہ ترین خبروں کے لیے پی این آئی کا فیس بک پیج فالو کریں
