بلوچستان ہائی کورٹ نے سرمائی تعطیلات کا شیڈول جاری کر دیا ہے۔ نوٹیفکیشن کے مطابق ہائی کورٹ میں تعطیلات 22 دسمبر 2025 سے 21 فروری 2026 تک ہوں گی جبکہ عدالت 23 فروری 2026 کو دوبارہ کھل جائے گی۔
نوٹیفکیشن میں بتایا گیا ہے کہ تعطیلات کے دوران فوری نوعیت کے مقدمات کی سماعت جاری رہے گی، تاہم ججز صرف ورکنگ ڈیز پر درخواستیں سنیں گے۔ عدالت نے تعطیلات کے دوران آفس اور کورٹ کے اوقات بھی جاری کیے ہیں۔ آفس کے اوقات پیر تا جمعرات صبح 9 بجے سے دوپہر 1 بجے تک اور جمعہ کو صبح 9 بجے سے دوپہر 12 بجے تک ہوں گے۔
کورٹ کے اوقات پیر تا جمعرات صبح 9:30 بجے سے دوپہر 12 بجے تک جبکہ جمعہ کو صبح 9:30 بجے سے 11:30 بجے تک مقرر کیے گئے ہیں۔ نوٹیفکیشن رجسٹرار کی جانب سے چیف جسٹس بلوچستان ہائی کورٹ کی ہدایت پر جاری کیا گیا۔
تازہ ترین خبروں کے لیے پی این آئی کا فیس بک پیج فالو کریں
