ڈیرہ اسماعیل خان کے علاقے پنیالہ میں پولیس موبائل پر بم حملے کے نتیجے میں تین اہلکار شہید ہوگئے۔ پولیس کے مطابق دھماکے میں اے ایس آئی گل عالم، کانسٹیبل رفیق اور ڈرائیور سخی جان شہید ہوئے، جبکہ کانسٹیبل آزاد شاہ محفوظ رہے۔
واقعے کی اطلاع ملتے ہی ریسکیو ادارے اور پولیس موقع پر پہنچ گئے اور شہدا کی لاشوں کو اسپتال منتقل کیا جا رہا ہے۔ جائے وقوعہ سے شواہد اکٹھے کیے جا رہے ہیں۔ دھماکے کے بعد ڈی ایس پی پنیالہ اور ایس ایچ او بھی موقع پر روانہ ہوگئے، جبکہ علاقے کی ناکہ بندی کر دی گئی ہے۔
تازہ ترین خبروں کے لیے پی این آئی کا فیس بک پیج فالو کریں
