صدارتی ایوارڈ یافتہ شہنائی نواز استاد عبداللہ 72 سال کی عمر میں انتقال کر گئے
شہدائی نواز استاد عبداللہ طویل عرصے سے پھیپھڑوں اور دمے کے مرض میں مبتلا تھے۔ ان کی نمازِ جنازہ آج کوٹری میں ادا کی جائے گی اور تدفین آبائی قبرستان سید بڈھل شاہ میں کی جائے گی۔
مرحوم استاد عبداللہ برصغیر میں شہنائی کے عالمی شہرت یافتہ فنکار تھے اور کئی دہائیوں تک اس فن کو زندہ رکھا۔ پاکستان، بھارت اور بنگلادیش میں ان کی شہنائی کو غیرمعمولی پذیرائی حاصل ہوئی، اور انہوں نے متعدد قومی و عالمی ثقافتی میلوں میں اپنے فن کا مظاہرہ کیا۔
استاد عبداللہ نے سندھی موسیقی کو نئے رنگ سے آراستہ کرنے میں بھی اہم کردار ادا کیا، اور ان کی فنی خدمات کے اعتراف میں انہیں صدارتی ایوارڈ سے بھی نوازا گیا۔
تازہ ترین خبروں کے لیے پی این آئی کا فیس بک پیج فالو کریں
