بلوچستان کے ضلع سبی اور اس کے اطراف میں زلزلے کے جھٹکے محسوس کیے گئے ہیں۔
زلزلہ پیما مرکز کے مطابق ریکٹر سکیل پر زلزلے کی شدت 3.1 ریکارڈ کی گئی۔ زلزلے کی گہرائی 10 کلومیٹر ریکارڈ ہوئی، جبکہ زلزلے کا مرکز سبی شہر سے 60 کلومیٹر دور شمال مشرق میں واقع تھا۔
اطلاعات کے مطابق زلزلے کے بعد لوگ کلمہ طیبہ کا ورد کرتے ہوئے اپنے گھروں سے باہر نکل آئے۔
پی ڈی ایم اے کے مطابق یہ زلزلہ سبی، ہرنائی اور دکی اضلاع کے درمیان واقع پہاڑی پٹی میں آیا ہے، اور اب تک کسی قسم کے جانی یا مالی نقصان کی کوئی اطلاع موصول نہیں ہوئی ہے۔
یاد رہے کہ گزشتہ روز بلوچستان کے ضلع قلات میں بھی زلزلے کے جھٹکے محسوس کیے گئے تھے۔
زلزلہ پیما مرکز کے مطابق اس زلزلے کی ریکٹر سکیل پر شدت 3.0 اور گہرائی 12 کلومیٹر ریکارڈ کی گئی تھی، جبکہ زلزلے کا مرکز قلات کے قریب تھا۔
تازہ ترین خبروں کے لیے پی این آئی کا فیس بک پیج فالو کریں
