لاہور میں برائلر مرغی کی قیمتوں میں مسلسل اضافہ جاری ہے اور قیمتیں پانچویں سنچری عبور کر چکی ہیں۔ تازہ اضافے کے بعد برائلر گوشت کی قیمت میں مزید 7 روپے فی کلو اضافہ ہوا ہے۔ سرکاری نرخ نامے کے مطابق چکن کی سرکاری قیمت 497 روپے فی کلو مقرر ہے، تاہم مارکیٹ میں برائلر گوشت 510 روپے فی کلو فروخت ہو رہا ہے۔ زندہ مرغی کے نرخ بھی تبدیل کیے گئے ہیں، جن کے مطابق زندہ فارم ریٹ 315 روپے، تھوک قیمت 329 روپے جبکہ پرچون قیمت 343 روپے فی کلو مقرر کی گئی ہے۔ دوسری جانب فارمی انڈوں کی قیمت میں معمولی کمی ریکارڈ کی گئی ہے۔ فارمی انڈے 1 روپے کمی کے بعد 344 روپے فی درجن دستیاب ہیں، جبکہ فارمی انڈوں کی پیٹی 30 روپے کمی کے ساتھ 10,370 روپے میں فروخت ہو رہی ہے۔
تازہ ترین خبروں کے لیے پی این آئی کا فیس بک پیج فالو کریں
