کوئٹہ: سیکیورٹی خدشات کے پیش نظر کوئٹہ سمیت بلوچستان بھر میں موبائل انٹرنیٹ ڈیٹا سروس معطل کر دی گئی ہے۔
صوبائی حکام نے جیو نیوز کو بتایا کہ یہ اقدام امن و امان کی صورتحال کو مدنظر رکھتے ہوئے اٹھایا گیا ہے، اور امکان ہے کہ موبائل انٹرنیٹ سروس 15 اگست تک معطل رہے گی۔ پاکستان ٹیلی کمیونیکیشن اتھارٹی (PTA) کے مطابق، بلوچستان کے مختلف اضلاع بشمول کوہلو، چمن، قلعہ عبداللّٰہ، پشین، لورالائی، زیارت، قلعہ سیف اللّٰہ، نوشکی اور ہرنائی میں سروس غیر معینہ مدت تک بند کر دی گئی ہے۔
شہریوں کا کہنا ہے کہ انٹرنیٹ سروس کی بندش سے طلبہ آن لائن کلاسز میں شریک نہیں ہو پا رہے، جبکہ فری لانسنگ اور آن لائن کاروبار سے وابستہ افراد کو شدید مشکلات کا سامنا ہے۔
تازہ ترین خبروں کے لیے پی این آئی کا فیس بک پیج فالو کریں
