جنوبی وزیرستان لوئر میں اضرب خوڑ کے قریب پولیس اہلکاروں کی گاڑی پر حملے کی اطلاعات موصول ہوئی ہیں ۔
تفصیلات کے مطابق ڈی پی او خان خیل نے بتایا ہے کہ مسلح افراد کے حملے میں ڈی ایس پی برمل رخمین زخمی ہوئے ہیں۔ پولیس ٹیم پر جنوبی وزیرستان لوئر میں ٹھٹی ثمر باغ چوکی سے واپسی پر حملہ ہوا۔ڈی پی او نے بتایا ہے کہ زخمی ڈی ایس پی کو ڈی ایچ کیو اسپتال وانا منتقل کر دیا گیا ہے۔ڈی پی او خان خیل کا یہ بھی کہنا ہے کہ پولیس نے واقعے کی تحقیقات شروع کر دی ہیں۔
تازہ ترین خبروں کے لیے پی این آئی کا فیس بک پیج فالو کریں
