پنجاب کے شہر بہاولنگر میں 7 ملزم مبینہ طور پر حوالات کی سلاخیں توڑ کر فرار ہوگئے۔
ترجمان پولیس کا کہنا ہے کہ پولیس نے تعاقب کرکے 3 ملزمان کو گرفتار کرلیا، فرار دیگر 4 ملزمان کی گرفتاری کے لیے سرچ آپریشن جاری ہے۔
پولیس کا کہنا ہے کہ ملزمان نے ڈیوٹی پر موجود کانسٹیبل کو بھی مبینہ تشدد کا نشانہ بنایا۔
ترجمان پولیس کے مطابق فرار ہونے والے ملزمان مختلف وارداتوں میں مطلوب تھے، ملزمان کو تفتیش کے لیے سی آئی اے پولیس کے حوالات میں بند کیا گیا تھا۔
پولیس کا کہنا ہے کہ غفلت کے مرتکب پولیس ملازمین کے خلاف ایکشن لیا جائے گا۔
تازہ ترین خبروں کے لیے پی این آئی کا فیس بک پیج فالو کریں
