ضلعی انتظامیہ نے اسکولز کے قریب غیر معیاری خوراک کی فروخت پر 30 جبکہ ایئرپورٹ اور اس کے اطراف میں ہوائی فائرنگ پر پابندی عائد کر دی۔
ڈپٹی کمشنر پشاور نے اسکولز کے قریب غیر معیاری خوراک کی فروخت پر دفعہ 144 نافذ کر دی جس کے تحت اسکولز کے 150 میٹر حدود میں غیر معیاری خوراک کی فروخت ممنوع ہے۔
جاری کردہ اعلامیے میں بتایا گیا کہ غیر معیاری چپس اور دیگر خوراک بیچنے والے دکانداروں کے خلاف دفعہ 144 کے تحت قانونی کارروائی ہوگی، حکم 30 دن کیلیے نافذ العمل ہوگا۔
دوسری جانب، پشاور ایئرپورٹ کے اطراف 2 ماہ کیلیے دفعہ 144 نافذ کی گئی ہے جس کے تحت ہوائی اڈے اور اس کے اطراف میں ہوائی فائرنگ، پتنگ بازی، کبوتر اڑنے اور لیزر لائٹ پر پابندی ہوگی۔
اعلامیے میں بتایا گیا کہ ایئرپورٹ کے اطراف لیزر لائٹس اور کبوتروں کی دکانوں پر بھی پابندی ہوگی، دفعہ 144 کا فیصلہ ہوائی جہاز اور عوام کی حفاظت کیلیے کیا گیا۔
تازہ ترین خبروں کے لیے پی این آئی کا فیس بک پیج فالو کریں
