سکھر(پی این آئی)وزیر اعلی سندھ مراد علی شاہ نے کہا ہے کہ5 لاکھ سولر سسٹم بھی اسی سال غریب عوام میں تقسیم کریں گے۔
سندھ سولر انرجی پروجیکٹ کی تقریب سے خطاب کرتے ہوئے مراد علی شاہ کا کہنا تھا کہ چیئرمین بلاول بھٹو زرداری کا ویژن تھا کہ ہم نے جو مہنگی بجلی کا بوجھ غریبوں پر پڑرہا ہےاس سے نجات دلانی ہے۔ 2012 کی بات ہے جب ہم نے سلولرائزیشن کا پروگرام شروع کیا تھا، ہم نے تھر پارکر ضلع میں گرڈ سٹیشن نہیں سب کو سولرائز کیا، بلاول صاحب نے کہا جو بجلی مہنگی ہے اس کا بوجھ عوام پر نہیں آنے دوں گا، اس پر ہم نے عالمی بینک سے بات کی جس کے3 حصے تھے ۔
وزیر اعلیٰ سندھ کا کہنا تھا کہ سرکاری عمارتوں کو سولر انجری لگائیں، ہسپتالوں میں سکولز میں جو عمارتیں ہیں ان کی بجلی کا خرچ بچے گا ، غریب جن کا ایک کمرہ ہے وہ بجلی کا بوجھ برداشت نہیں کر سکتے ، ایسے 2 لاکھ گھروں کو سولر دے رہے ہیں، جس سے 1 پنکھا،3 بلب روشن اور موبائل چارج ممکن ہو گا۔
مراد علی شاہ نے کہا کہ صوبہ سندھ کے ہر ضلع میں بینظیر انکم سپورٹ پروگرام کے تحت ان افراد کو دیں گے،5 لاکھ سولر سسٹم بھی اسی سال غریب عوام کو تقسیم کریں گے، 21 لاکھ گھر بنا کر دینے ہیں، جس کے پورے دنیا میں چرچے ہیں۔ان کا کہنا تھا کہ االلہ نا کرے ایسا کوئی سیلاب آتا ہے تو غریب عوام کو اب ٹینٹ نہیں لگانے پڑیں گے، 2026 تک 21 لاکھ گھروں کو مکمل کریں گے ، کراچی شہر میں 15 ہزار ٹن سے زیادہ کچرا اکٹھا کر رہے ہیں، جس سے 50 کے وی بجلی پیدا کی جائے گی ۔
تازہ ترین خبروں کے لیے پی این آئی کا فیس بک پیج فالو کریں
