پی ٹی آئی کو 8 فروری کو مینار پاکستان پر جلسےکی اجازت کے حوالے سے اہم حقائق سامنے آ گئے۔ذمہ دار سرکاری ذرائع نے انکشاف کیا ہے کہ لاہور میں پاکستان تحریک انصاف (پی ٹی آئی) کو 8 فروری کے دن مینار پاکستان پر جلسےکی اجازت ملنے کا کوئی امکان نہیں ہے۔ پی ٹی آئی کی 8 فروری کو لاہور کے مینار پاکستان پر جلسہ کرنے کی درخواست کا جائزہ لینے کے لئے ڈسٹرکٹ انٹیلی جنس کمیٹی کا اجلاس ہوا۔
اس حوالے سے سرکاری ذرائع نے بتایا ہےکہ پی ٹی آئی کو مینار پاکستان پر جلسے کی اجازت نہیں دی جائے گی۔ آٹح فروری کو وزیراعظم قومی سطح پر آغٓ خان چہارم کی وفات کے سوگ کا دن منانے کا اعلان کر چکے ہیں۔ لاہور میں 8 فروری کو تین ملکوں کی ون ڈے کرکٹ سیریز کا پہلا میچ ہو گا۔ اس میچ کے لئے سکیورٹی کے انتظامات پاکستان کی اولین قومی ترجیح ہوں گے جس کے لئے شہر بھر میں خصوصی انتظامات کئے جا رہے ہیں۔ آٹھ فروری کو ہی لاہور کی پرائم لوکیشن پر کسی سیاسی اجتماع کی اجازت دینے کی صورت مین شہر بھر میں عموماً اور قذافی سٹیڈیم کے اطراف خاص طور سے سکیورٹی کی نگرانی کمزور ہونے کا شدید خدشہ ہو گا، حکومت یہ خطرہ کسی سورت مین مول نہیں لے گی۔
آٹح فروری کو ہی لاہور میں انٹرنیشل اسپیکرکانفرنس ہے، اس کے علاوہ لاہور میں ہارس اینڈ کیٹل شو بھی شروع ہو رہا ہے، اس سلسلے میں سکیورٹی کو یقینی بنائے رکھنے کے لئے ہزاروں اہلکار تعینات کیے جارہے ہیں۔پی ٹی آئی کیا کہتی ہے لاہور ہائی کورٹ کے باہر میڈیا کے نمائندوں سے گفتگو کرتے ہوئے پی ٹی آئی کی مقامی لیڈر عالیہ حمزہ نے کہا، 8 فروری کے جلسے کی درخواست پر فوری جواب دینا چاہیے، آج 10 روز بعد بھی یہ سوچ رہے ہیں کہ جلسے کی اجازت دینی ہےکہ نہیں، عالیہ حمزہ نے کرکٹ سیریز اور دیگر اہم حوالوں سے سیکورٹی کی ضروریات کو یکسر فراموش کرتے ہوئے کہا، ہمارا قانونی اور آئینی حق ہے کہ جلسہ کریں۔
عالیہ حمزہ کنے کہا، ہماری لیگل ٹیم 4 بجے سے ڈی سی آفس میں موجود ہے، ڈی سی آفس میں درخواست 29 جنوری کو دی لیکن عملدرآمد نہیں ہو رہا، انتظامیہ تاحال اجازت نہیں دے رہی ہے۔ عالیہ حمزہ نے مزید کہا کہ اگر 8 فروری کو مینار پاکستان پر جلسہ کرنے کی اجازت نہ ملی تو اگلے لائحہ عمل کا اعلان کیاجائےگا۔ پی ٹی آئی نے 8 فروری 2024 کے عام انتخابات کا ایک سال پورا ہونے پر ملک بھر میں یوم سیاہ منانے کا اعلان کیا ہے، اس سلسلے میں مینار پاکستان پر پی ٹی آئی نے جلسے کا بھی اعلان کر رکھا ہے جس کے لیے انتظامیہ کو درخواست دی جاچکی ہے۔
تازہ ترین خبروں کے لیے پی این آئی کا فیس بک پیج فالو کریں
