حیدرآباد (پی این آئی)حیدرآباد میں موسم سرما کی آمد کے ساتھ ہی گیس کی لوڈ شیڈنگ نے سر اٹھا لیا جس سے شہری کافی پریشان ہیں۔
گیس کی لوڈ شیڈنگ کے باعث طلبا، نوکری پیشہ افراد خواتین سمیت گیس کے ذریعے کاروبار کرنے والے تمام لوگ مشکلات سے دوچار ہیں۔گرمیوں میں بجلی کی طویل لوڈ شیڈنگ کے ستائے عوام اب سردیوں کی آمد کے ساتھ ہی گیس کی لوڈ شیڈنگ کے بھنور میں پھنس گئے ہیں لو پریشر اور دن میں چند گھنٹے ملنے والی گیس اب ناپید ہوتی جارہی ہے۔حیدرآباد سٹی ہو ، قاسم آباد یا لطیف آباد تمام علاقوں کے لوگ گیس نہ ہونے کا شکوہ کرتے نظر آتے ہیں۔
گیس کی لوڈ شیڈنگ سے نہ صرف گھریلو خواتین پریشان ہیں بلکہ گیس کے ذریعہ معاش حاصل کرنے والے کاروباری افراد بھی شدید مشکلات سے دوچار ہیں۔شہریوں کا کہنا ہے کہ حکومت گیس کی لوڈ شیڈنگ میں کمی کو یقینی بنا کر عام آدمی کی زندگی میں ریلیف کے لیے عملی کردار ادا کرے۔
تازہ ترین خبروں کے لیے پی این آئی کا فیس بک پیج فالو کریں
