خوشخبری، ہزاروں سرکاری نوکریوں کا اعلان

لاہور(پی این آئی)خوشخبری، ہزاروں سرکاری نوکریوں کا اعلان۔۔۔۔محکمہ خصوصی صحت اور طبی تعلیم (SHC&MED) نے 3,000 خواتین نرسوں کو مستقل بنیادوں پر بھرتی کرنے کا اعلان کیا ہے۔پروپاکستانی کی رپورٹ کے مطابق محکمہ ایس ایچ سی اینڈ ایم ای ڈی نے پنجاب پبلک سروس کمیشن (PPSC) کو خط لکھ دیا ہے جس میں کہا گیاہے کہ بیچ 2024 کیلئے 3 ہزار چارج نرسوں کو 16 ویں سکیل پر مستقل بنیادوں پر بھرتی کریں جس میں تمام کوٹے شامل کیئے جائیں ۔اس حوالے سے پنجاب حکومت کے محکمہ کی جانب سے پی پی ایس سی کو تمام ترج ضروری دستاویزات مکمل کرنے کی ہدایت کی گئی ہے ۔محکمہ ایس ایچ سی اینڈ ایم ای ڈی کی جانب سے تیز تر پروسیسنگ کی درخواست کی گئی ہے اور منتخب کردہ امیدواروں کی سفارشات کو لاگو قواعد و پالیسیوں کے مطابق بنانے کی اپیل کی ہے۔

یہ ذکر کرنا ضروری ہے کہ سینیٹ کی سٹینڈنگ کمیٹی برائے صحت کے حالیہ اجلاس میں یہ انکشاف ہوا کہ پاکستان کو تقریباً ایک ملین نرسوں کی کمی کا سامنا ہے۔ مزید برآں، پاکستان میڈیکل اینڈ ڈینٹل کونسل (PMDC) کے ساتھ رجسٹرڈ تقریباً 30,000 سے 40,000 ڈاکٹرز طب کی مشق نہیں کر رہے ہیں۔ملک میں نرسوں کی کمی کے باوجود، وفاقی وزیر داخلہ محسن نقوی نے حال ہی میں کہا کہ پاکستان اہل نرسوں کو ملازمت کے لیے امریکہ بھیجے گا۔انہوں نے یہ بیان اسلام آباد میں نیویارک اسٹیٹ اسمبلی کے ڈپٹی اسپیکر فل راموس سے ملاقات کے دوران دیا۔ “ایک معاہدہ طے پایا کہ اہل پاکستانی نرسوں کو ضروری عمل مکمل کرنے کے بعد ملازمت کے لیے نیویارک بھیجا جائے گا۔۔۔۔