آئندہ دنوں میں روٹی مزید سستی ہوگی، خوشخبری سنا دی گئی

لاہور (پی این آئی) وزیراعلیٰ پنجاب مریم نواز نے آئندہ دنوں میں روٹی کی قیمت میں مزید کمی کی خوشخبری سنادی۔

لاہور سے جاری ایک بیان میں ان کا کہنا تھا کہ الحمدللہ ،پاکستان اور پاکستانی عوام کے لئے اچھے دن آ رہے ہیں،روٹی سمیت دیگر اشیا کے نرخ میں مزید کمی ہوگی،مہنگائی کی شرح میں کمی آئے گی اور پاکستانی کرنسی مستحکم ہوگی،مسلم لیگ (ن) کی حکومت کو تاجروں صنعتکاروں اورسرمایہ کاروں کا اعتماد حاصل ہے،یو اے ای کی جانب سے 10 ارب ڈالر کی سرمایہ کاری کے بیان کا خیرمقدم کرتے ہیں، 10ارب ڈالر کی سرمایہ کاری مسلم لیگ ن کی حکومت پر بیرونی اعتماد کا ناقابل تردید ثبوت ہے،مثبت معاشی عشاریے پاکستان کیلئے بہتر مستقبل کی نوید ہیں،پاکستان سٹاک مارکیٹ روز بروز ریکارڈز قائم کر رہی ہے جو کہ خوش آئند ہے ۔

ان کا مزید کہنا تھا کہ پاکستان میں فارن ڈائریکٹ انویسٹمنٹ کیلئے شہباز شریف حکومت کی کاوشیں قابل تحسین ہیں،انشاللہ مسلم لیگ (ن) کی حکومت میں پاکستان اپنا کھویا ہوا مقام حاصل کرے گا،دعا ہے اللہ تعالیٰ پاکستان کی ترقی میں رکاوٹ ڈالے والے عناصر کے شر سے ملک کو محفوظ رکھے،حکومت کی پوری توجہ مہنگائی میں کمی لاکر عوام کو ریلیف دینے پر مرکوز ہے۔