صدر مملکت آصف علی زرداری نے ہائی کورٹس کے ججز کی مدتِ ملازمت میں توسیع اور مستقلی کی منظوری دے دی ہے۔
وزیراعظم کی ایڈوائس اور جوڈیشل کمیشن آف پاکستان کی سفارشات کی روشنی میں صدر آصف علی زرداری نے سندھ، لاہور اور پشاور ہائی کورٹس کے ایڈیشنل ججز کی توثیق اور مدتِ ملازمت میں توسیع کی منظوری دی۔ سندھ ہائی کورٹ کے لیے صدر مملکت نے دس ایڈیشنل ججز کی توثیق کی منظوری دی ہے جن میں جسٹس میاں محمد شاہ، جسٹس مس تسنیم سلطانہ، جسٹس ریاضت علی سحر، جسٹس محمد حسن، جسٹس عبدالحمید بھرگی، جسٹس جان علی جونیجو، جسٹس نثار احمد بھنبھرو، جسٹس علی حیدر، جسٹس محمد عثمان علی ہادی اور جسٹس محمد جعفر رضا شامل ہیں۔
صدر مملکت نے سندھ ہائی کورٹ کے دو ایڈیشنل ججز جسٹس خالد حسین شاہان اور جسٹس سید فیض الحسن شاہ کی مدتِ ملازمت میں چھ ماہ کی توسیع کی بھی منظوری دی ہے۔
لاہور ہائی کورٹ کے لیے صدر مملکت نے گیارہ ایڈیشنل ججز کی تقرری کی منظوری دی ہے جن میں جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ اور جسٹس ابھر گل خان شامل ہیں۔ اس کے علاوہ لاہور ہائی کورٹ کے ایڈیشنل جج جسٹس طارق محمود باجوہ کی مدتِ ملازمت میں مزید چھ ماہ کی توسیع کی منظوری بھی دی گئی ہے۔
پشاور ہائی کورٹ کے لیے صدر مملکت نے چھ ایڈیشنل ججز کی تقرری کی منظوری دی ہے جن میں جسٹس محمد طارق آفریدی، جسٹس عبدالفیاض، جسٹس صلاح الدین، جسٹس صادق علی، جسٹس سید مدثر امیر اور جسٹس قاضی جواد احسان اللہ شامل ہیں۔ اس کے ساتھ ہی پشاور ہائی کورٹ کے ایڈیشنل ججز جسٹس فرح جمشید، جسٹس انعام اللہ خان، جسٹس سبط اللہ خان اور جسٹس اورنگزیب کی مدتِ ملازمت میں بھی چھ ماہ کی توسیع کی منظوری دی گئی ہے۔
یہ تمام منظوریوں وزیراعظم کی ایڈوائس پر دی گئی ہیں۔
تازہ ترین خبروں کے لیے پی این آئی کا فیس بک پیج فالو کریں
