گرمیوں کی طویل تعطیلات کے بعد شہر لاہور کے سکولوں میں تدریسی عمل کا باقاعدہ آغاز 18 اگست سے ہوگا۔ 3 مسلسل تعطیلات کے باعث تعلیمی سرگرمیوں میں تاخیر ہو گئی ہے۔
محکمہ سکول ایجوکیشن پنجاب کی جانب سے 14 اگست سے تعلیمی ادارے کھولنے کا اعلان تو کیا گیا ہے، تاہم لاہور میں 3 مسلسل تعطیلات کے باعث عملی طور پر تعلیمی سرگرمیوں کا آغاز اب 18 اگست بروز پیر سے ہوگا۔حکام کے مطابق، 14 اگست کو سکول صرف یومِ آزادی کی تقریبات کے لیے کھولے جائیں گے، اس دن تدریسی عمل نہیں ہوگا۔
15 اگست کو شہر بھر میں چہلم حضرت امام حسینؓ اور داتا دربار کے سالانہ عرس کے موقع پر عام تعطیل ہوگی، جبکہ 16 اور 17 اگست کو ہفتہ اور اتوار کی ہفتہ وار چھٹیاں ہوں گی۔ایسی صورت میں گرمیوں کی تعطیلات کے بعد طلبہ اور اساتذہ پیر 18 اگست سے ہی باقاعدہ تدریسی عمل کا آغاز کریں گے۔دوسری جانب محکمہ سکول ایجوکیشن کی جانب سے واضح کیا گیا ہے کہ 14 اگست سے قبل کسی بھی تعلیمی ادارے کو کھولنے کی اجازت نہیں دی جائے گی۔
تازہ ترین خبروں کے لیے پی این آئی کا فیس بک پیج فالو کریں
