فیصل آباد کی انسداد دہشتگردی عدالت نے 9 مئی کے دو مقدمات کا فیصلہ سناتے ہوئے پاکستان تحریک انصاف کے اہم رہنماؤں سمیت 167 ملزمان کو مختلف سزائیں سنا دیں۔
عدالت نے 166 ملزمان کو 10، 10 سال قید کی سزا سنائی، جب کہ جنید افضل ساہی کو 3 سال قید کی سزا دی گئی، جو اس کیس میں سب سے کم سزا ہے۔ غلام محمد آباد میں درج مقدمے میں 66 ملزمان میں سے 58 کو سزا سنائی گئی، جبکہ 8 کو بری کر دیا گیا۔ حساس ادارے پر حملے کے مقدمے میں 185 میں سے 108 افراد کو سزا جبکہ باقی کو بری قرار دیا گیا۔
عمر ایوب، شبلی فراز، زرتاج گل اور رکن قومی اسمبلی صاحبزادہ حامد رضا کو بھی 10 سال قید کی سزا سنائی گئی۔ دوسری جانب، سیال کاسترو، فواد چوہدری اور زین قریشی سمیت چند اہم رہنماؤں کو بری کر دیا گیا ہے۔ یاد رہے کہ چند روز قبل بھی عدالت نے احمد چٹھہ، احمد خان بھچر، ڈاکٹر یاسمین راشد اور میاں محمود الرشید سمیت متعدد رہنماؤں کو 9 مئی کیس میں 10 سال قید کی سزا سنائی تھی۔
تازہ ترین خبروں کے لیے پی این آئی کا فیس بک پیج فالو کریں
