اسلام آباد(پی این آئی)سینیٹ کے ضمنی انتخابات میں حصہ نہ لینے کا فیصلہ۔۔۔۔۔۔۔۔۔ ایم کیو ایم پاکستان نے سندھ میں سینیٹ کے 2 خالی نشستوں پر ضمنی انتخابات میں حصہ نہ لینے کا فیصلہ کیا ہے۔تفصیلات کے مطابق سینیٹ کی 2 خالی نشستوں پر ایم کیو ایم کا کوئی امیدوار حصہ نہیں لے گا، ایم کیو ایم پاکستان آئندہ چند روز میں ہونے والے سینیٹ انتخابات میں بھرپور حصہ لے گی، رواں ماہ 49 سینیٹرز اپنی 6 سالہ مدت مکمل کر لیں گے، الیکشن کمیشن کی جانب سے مذکورہ نشستوں پر انتخابات سے متعلق شیڈول جاری کیا جائے گا۔
خیال رہے کہ نثار کھوڑو اور جام مہتاب ڈہر کے رکن صوبائی اسمبلی منتخب ہونے کے بعد سینیٹ کی دو نشستیں خالی ہوئیں ہیں، سینیٹ کی دونوں نشستوں پر ضمنی انتخابات 14 مارچ کو ہوں گے۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
