مسلم لیگ (ن )کی آئندہ الیکشن میں پنجاب میں کتنی نشستیں یقینی ہیں؟ رانا ثنا اللہ نے بڑا دعویٰ کردیا

کراچی(پی این آئی) سینئرلیگی رہنما اور وفاقی وزیر داخلہ رانا ثنا اللہ نے دعوی کیا ہے کہ پنجاب میں قومی اسمبلی کی 100 اور صوبائی کی 200 سیٹیں پکی ہیں۔

انہوں نے کہا کہ پی ڈی ایم کی تمام جماعتیں اپنے پلیٹ فارم سے الیکشن لڑیں گی، کسی سیاسی جماعت کے ساتھ انتخابی اتحاد نہیں کیا جائے گا۔ انہوں نے کہا کہ چیئرمین پی ٹی آئی کو سزا یا نا اہلی ہوگی کچھ کہنا قبل از وقت ہے، سزا الیکشن سے پہلے یا بعد میں ہو گی، معلوم نہیں، نواز شریف کی واپسی کا باقاعدہ اعلان ہو گا ابھی حتمی تاریخ نہیں۔اسلام آباد میں صحافیوں سے غیر رسمی گفتگو میں رانا ثنا اللہ کا کہنا تھاکہ شیخ رشید کو گرفتار کرکے اسے اہمیت نہیں دینا چاہتے، 9 مئی واقعات میں ملوث نہیں ان کے خلاف کارروائی نہیں ہونی چاہیے۔ایک سوال کے جواب میں وزیر داخلہ کا کہنا تھاکہ دہشت گردی کی کارروائیوں میں افغان سرزمین ملوث ہے، افغان حکومت روکنا نہیں چاہتی یا صلاحیت نہیں، یہ سوال موجود ہے۔انہوں نے کہا کہ ایڈیشنل سیشن جج پر الزامات لگائے گئے ہیں، الزامات سپریم کورٹ، ہائیکورٹ کے ججز پر بھی ہیں، فیصلہ عدلیہ نے کرنا ہے، 190 ملین پاؤنڈ واپس لینے کیلئے سپریم کورٹ سے رجوع کرنا ہو گا، موجودہ حالات میں امید نہیں کہ ہماری اپیل منظور ہو گی۔