عمران خان کو وزیراعظم ہائوس آنے کی دعوت دیدی گئی

اسلام آباد(پی این آئی)مسلم لیگ ن کے رہنما حنیف عباسی نے کہا ہے کہ عمران خان سنجیدہ ہیں توکل وزیراعظم ہاؤس آئیں بات کر لیتے ہیں۔نجی ٹی وی کے پروگرام میں گفتگو کرتے ہوئے حنیف عباسی نے کہا کہ عمران خان کوکس نے کہا ہے کہ انہیں ہم موقع دیں گے بچےجمہور کوجس طرح لگاتےہیں اس طرف لگ جاتاہے۔

حنیف عباسی نے کہا کہ عمران خان راولپنڈی کیا لینے آئے تھے انہیں تو اسلام آباد جانا تھا وہ راولپنڈی کسی وجہ سے آئے تھے جس کا فائدہ نہیں ہوا، عمران خان کو راولپنڈی میں 15ہزار لوگ نظرآئےاس لیےاسلام آبادنہیں گئے۔ان کا کہنا تھا کہ عمران خان کو راولپنڈی میں مایوسی ہوئی اسی لیے اسمبلیاں تحلیل کا اعلان کیا عمران خان صرف ڈرانےکی کوشش کرتےہیں کچھ کرتےنہیں ہیں انہوں نے اسمبلیاں تحلیل کرنےکی بات کی لیکن وہ نہیں کریں گے۔لیگی رہنما نے کہا کہ وزیراعظم کو منالوں گا آئیں ستمبر میں الیکشن کراتے ہیں لیکن دھمکیاں دے کر، کردارکشی کر کے اپنے مطالبات نہیں منوائےجا سکتے، عمران خان نے دنیا کو بار بار کہا ہےکہ پاکستان ڈیفالٹ پر جا رہا ہے یہ بس پاکستان کو نقصان پہنچا رہے ہیں اگر عمران خان سنجیدہ ہیں توکل وزیراعظم ہاؤس آئیں بات کر لیتے ہیں۔