فیصل آباد (پی این آئی) فیصل آباد میں معمولی تنازعے پر تحریک انصاف کے نوجوان رہنما کو قتل کر دیا گیا۔ مقتول رانا عثمان نے ملزم حمزہ کو گلی میں کھڑا ہونے سے روکا جس پر اس نے فائرنگ کر کے قتل کر دیا۔ تفصیلات کے مطابق فیصل آباد میں معمولی تنازعے پر تحریک انصاف کے نوجوان رہنما کو قتل کر دیا گیا ہے۔ میڈیا رپورٹس کے مطابق مقتول رانا عثمان نے ملزم حمزہ کو گلی میں کھڑا ہونے سے روکا تھا جس پر اس نے طیش میں آ کر فائرنگ کر کے نوجوان کی جان لے لی۔
فیصل آباد میں تحریک انصاف کے نوجوان رہنما سفیان خان کےقتل کےواقعے پر وزیر اعلی سردار عثمان بزدار نے سی پی او فیصل آباد سے واقعے کی رپورٹ طلب کرلی:
قتل میں ملوث ملزمان کی جلد گرفتاری کا حکم۔وزیراعلی کاغمزدہ خاندان سےدلی ہمدردی و اظہار تعزیت، جلد انصاف فراہم کرنےکی یقین دہانی
— Government of Punjab (@GovtofPunjabPK) December 29, 2021
اس افسوسناک واقعے وزیر اعلیٰ پنجاب کی جانب سے نوٹس بھی لیا گیا ہے۔ حکومت پنجاب کے آفیشل ٹوئیٹر اکاؤنٹ سے جاری پیغام میں بتایا گیا ہے کہ فیصل آباد میں تحریک انصاف کے نوجوان رہنما سفیان خان کے قتل کے واقعے پر وزیر اعلیٰ سردار عثمان بزدار نے سی پی او فیصل آباد سے واقعے کی رپورٹ طلب کرلی ہے۔جاری پیغام کے مطابق وزیر اعلیٰ کی جانب سے قتل میں ملوث ملزمان کی جلد گرفتاری کا حکم دیا گیا ہے۔ٹوئیٹر پیغام میں وزیراعلیٰ عثمان بزدار کی جانب سے غمزدہ خاندان سے دلی ہمدردی و اظہار تعزیت بھی کیا گیا ہے جبکہ انہیں جلد انصاف فراہم کرنے کی یقین دہانی بھی کروائی گئی ہے۔ وزیر اعلیٰ عثمان بزدار نے ہدایت کی ہے کہ ملزمان کو قانون کی گرفت میں لا کر مزید کارروائی کی جائے مظلوم خاندان کو ہر صورت انصاف فراہم کیا جائے۔
تازہ ترین خبروں کے لیے پی این آئی کا فیس بک پیج فالو کریں
