کورونا وائرس کا شکار ہونیوالے معروف مبلغ اسلام مولانا طارق جمیل سے متعلق ہسپتال سے اہم خبر آگئی

اسلام آباد (پی این آئی) سی ایم ایچ اسپتال کے ڈاکٹرز نے مولانا طارق جمیل کو ڈسچارج کردیا ہے۔اسپتال ذرائع کا کہنا ہے کہ ڈاکٹرز کی ٹیم نے مولانا طارق جمیل کا طبی معائنہ کیا اور ان کی صحت کو تسلی بخش قرار دیا۔خیال رہے کہ 13 دسمبر کو مولانا طارق جمیل کا کورونا ٹیسٹ مثبت آ گیا تھا۔ڈاکٹرز کی ہدایت پر وہ اسپتال

میں ایڈمٹ ہوگئے تھے۔سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں انہوں نے بتایا ہے کہ گزشتہ کچھ ایام سے طبیعت ناساز تھی جس کے باعث کورونا ٹیسٹ کرایا تو رپورٹ مثبت آگئی۔انہوں نے تمام محبین سے خصوصی دعاؤں کی درخواست بھی کی تھی۔ ایک ہفتے بعد انہوں نے بتایا کہ میرا کورونا ٹیسٹ منفی آگیا ہے۔ پاکستان میں کورونا وائرس کے یومیہ کیسز کم ترین سطح پر آگئے،اچھی خبریں آنے لگیں ملک میں کورونا وائرس کے یومیہ کیسز 40 دن کی کم ترین سطح پر آگئے، گزشتہ 24 گھنٹوں کے دوران ملک میں 1792 کیسز رپورٹ ہوئے، مزید 62مریض چل بسے ، کل مصدقہ مریضوں کی تعداد 4 لاکھ 98 ہزار 968 ہوگئی ۔ نیشنل کمانڈ اینڈ آپریشن سینٹر کی جانب سے فراہم کردہ تفصیلات کے مطابق گزشتہ 24 گھنٹوں کے دوران کورونا کے 34 ہزار 772 ٹیسٹ کئے گئے جس کے بعد اب کوویڈ 19 ٹیسٹس کی مجموعی تعداد 63 لاکھ 36 ہزار 113 ہوگئی ہے۔سرکاری اعداد و شمار کے مطابق ملک بھر میں مزید 1792 افراد میں کورونا کی تشخیص ہوئی ہے جس کے بعد ملک میں مصدقہ مریضوں کی تعداد 4 لاکھ 98 ہزار 968 ہوگئی ہے۔این سی او سی کے مطابق ملک میں کورونا کی مریضوں کی سب سے زیادہ تشخیص سندھ میں ہوئی ہے جہاں مصدقہ مریضوں کی تعداد سندھ میں 2 لاکھ 4 ہزار 840 ہے، پنجاب میں ایک لاکھ 31 ہزار 933، خیبرپختونخوا میں 55 ہزار 183، بلوچستان میں 17 ہزار 926 ، ?اسلام آباد میں 36 ہزار 257، گلگت بلتستان میں 4 ہزار 827 کیسز جب کہ آزاد کشمیر میں کورونا مریضوں کی تعداد 8 ہزار 2 ہوگئی ہے۔سرکاری اعداد و شمار کے مطابق ملک بھر میں کورونا نے مزید 62 افراد کی زندگیوں کے چراغ گل کردئے

ہیں، جس کے بعد اب تک کورونا کے جاں بحق مریضوں کی تعداد 9 ہزار 392 ہوگئی ہیاین سی او سی کے مطابق کورونا کے سبب سب سے زیادہ اموات پنجاب میں ہوئی ہیں جہاں 3 ہزار 638 افراد جان کی بازی ہار چکے ہیں، سندھ میں 3 ہزار 333، خیبر پختونخوا میں ایک ہزار 546، اسلام آباد میں 391، گلگت بلتستان میں 99، بلوچستان میں 179 اور آزاد کشمیر میں 206 افراد اس وائرس کے ہاتھوں جاں بحق ہوچکے ہیں۔نیشنل کمانڈ اینڈ آپریشن سینٹر کے مطابق گزشتہ 24 گھنٹوں میں ایک ہزار 680 افراد نے کورونا کو شکست دے دی ہے جس کے بعد اس وبا سے صحتیاب مریضوں کی تعداد 4 لاکھ 9 ہزار 85 ہوگئی ہے۔سرکاری اعداد و شمار کے مطابق اس وقت ملک بھر میں کورونا کے فعال مریضوں کی تعداد 40491 ہے،جن میں سے 2 ہزار 403 کی حالت تشویشناک ہے۔