حیدرآباد(پی این آئی)ایڈیشنل ڈپٹی کمشنر ون ضلع دادو کا22 سالہ بیٹا کروڑوں روپے کی جائیدادکامالک نکلا۔ایف بی آر نے اے ڈی سی ون کے خلاف جانچ پڑتال کا دائرہ وسیع کرتے ہوئے جائیداد کا ریکارڈ طلب کرلیاہے۔ایف بی آر کے باوثوق ذرائع نے انکشاف کیا ہے کہ
محکمہ ریونیو کا افسر بے نامی جائیدا کا حامل ہے جس نے اپنے بیٹے کے نام پر بھی کروڑوں روپے کے اثاثے بنائے ہوئے ہیں۔ذرائع کے مطابق ضلع دادو کے ایڈیشنل ڈپٹی کمشنر ون دادو نذیر احمد سومرو خود توکروڑوں روپے مالیت کے حامل ہیں،اس ضمن وہ ایف بی آر کراچی کے ریڈار پر ہیں لیکن ان کا 22 سالہ بیٹا ارسلان احمد بھی کروڑوں روپے مالیت کی جائیداد کا حامل ہے۔ایف بی آر کی دستاویزات کے مطابق اے ڈی سی ون دادو نذیر احمد سومرو نے 18 فروری 2017کو اپنے 19سالہ بیٹے ارسلان کا نام ایف بی آر میں رجسٹرڈ کرایا اور اسی برس بیٹے کے نام پر 4کروڑ 68 لاکھ 82 ہزار 865 روپے کی مالیت کے اثاثے ڈکلیئر کیے۔دوسری جانب ضلع دادو کے ایڈیشنل ڈپٹی کمشنر ون نذیر احمد سومرو نے بتایاکہ بیٹے کو جائیداد اسکی ماں نے دی،مخالفین الزامات لگارہے ہیں ۔
تازہ ترین خبروں کے لیے پی این آئی کا فیس بک پیج فالو کریں
