پشاور(پی این آئی)لاہور کی میٹرو جنگلہ بس ہے، پشاور کی بی آر ٹی عالمی معیار کا منصوبہ ہے، شوکت یوسفزئی کا انوکھا دعوی۔خیبرپختونخوا کے صوبائی وزیرثقافت شوکت یوسفزئی نے کہا ہے کہ لاہور میں جنگلہ بس بنائی گئی لیکن بی آر ٹی پشاور جنگلہ بس نہیں یہ عالمی معیار کے پروجیکٹ میں شامل ہے۔ شوکت
یوسفزئی نے کہا کہ بی آر ٹی میں توڑ پھوڑ پر کئی افراد گرفتار ہوچکے ہیں، بی آر ٹی میں 250 پولیس اہلکار تعینات کیے گئے ہیں، کچھ لوگ جان بوجھ پر بی آر ٹی میں توڑ پھوڑ کرنا چاہتے تھے۔انہوں نے کہا کہ لاہور میں جنگلہ بس بنائی گئی لیکن بی آر ٹی پشاور جنگلہ بس نہیں، یہ عالمی معیار کے پروجیکٹ میں شامل ہے، بی آرٹی پشاورغریب عوام کے لیے سفری منصوبہ ہے، اس کا پی سی ون ایک ہی ہے۔ شوکت یوسفزئی کا کہنا تھا کہ دسمبر تک بی آرٹی کے کمرشل پلازے اور ڈپوز مکمل ہوجائیں گے، کسی سے بھی بی آر ٹی منصوبے کی تحقیقات کرائی جائے کوئی اعتراض نہیں۔۔۔۔۔۔۔۔۔۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
