وہ سرکاری ادارہ جس کی ہفتہ کی چھٹی ختم کر دی گئی

کراچی (پی این آئی) کراچی سمیت ملک بھر میں نادرا دفاتر میں عوام کے رش کے باعث ہفتہ کی تعطیل بھی ختم کر دی گئی ہے۔احساس پروگرام کی با آسانی رجسٹریشن، پینشن اور تنخواہ دار طبقے کی مشکلات کم کرنے کیلئے ملک بھر کے نادارا دفاتر میں ہفتے کی چھٹی فی الحال ختم کردی گئی ہے۔کراچی میں نادرا دفاتر

میں سماجی فاصلوں کا خیال رکھنا ملازمین کیلئے لازمی قرار دے دیا گیا ہے۔ فیس شیلڈ، دستانیں اور ماسک پہننا اور وقفے وقفے سے ہینڈ سینیٹائرز کے استعمال کی ہدایت بھی کی گئی ہے۔ملازمین ہر بائیومیٹرک پراسس کے بعد مشین کوجراثیم کش دواسے صاف کرنے کے پابند ہیں۔ درخواست گزاروں کے درمیان سماجی فاصلہ سمیت اسپرے کو یقینی بنانے کا حکم بھی دیا گیا ہے۔ڈی جی نادرا کا کہنا تھا کہ رینیو درخواستوں کا کام ابھی نہیں کیا جائےگا، ہم نیوز کے مطابق صارفین سے کہا گیا ہے کہ وہ دفاتر آمد سے قبل اہم معلومات کے حصول کے لیے نادرا کال سینٹر 7000 پر رابطہ کرلیں۔نادرا کی جانب سے وضاحت کی گئی ہے کہ زائد المعیاد ہو جانے والے شناختی کارڈوں کی مدت میں جولائی 2020 تک کا اضافہ کردیا گیا ہے۔نجی ٹی وی کے مطابق نادرا دفاتر میں ان صارفین کو ترجیح دی جائے گی جو نئی رجسٹریشن کرانا چاہتے ہوں گے اور یا پھر بائیو میٹرک تصدیق کرانے کے لیے آئیں گے۔نادرا کی جانب سے واضح کیا گیا ہے کہ شناختی کارڈوں کی وصولی کے لیے 15 مئی کے بعد رجوع کیا جا سکے گا۔دفاتر آنے والوں کی ہدایت کی گئی ہے کہ وہ لازمی طور پر ماسک پہن کر آئیں اور ہاتھوں کو سنیٹائز کریں۔نادرا نے صارفین کی سہولت کے لیے بتایا ہے کہ رش اور دھوپ سے بچنے کے لیے بہتر ہے کہ نادرا آن لائن رجسٹریشن سروس کا استعمال کیا جائے۔