پنجاب حکومت نے ایک بڑا اقدام اٹھاتے ہوئے سرکاری کالجز میں نرسنگ کی مفت تعلیم ختم کر دی ہے، جس کے بعد نرسنگ طالبات کو اب ہزاروں روپے فیس ادا کرکے تعلیم حاصل کرنا ہوگی۔ پنجاب حکومت نے نرسنگ طالبات کا ماہانہ وظیفہ بھی ختم کر دیا ہے اور اب طالبات کو سرکاری ہاسٹل کے واجبات بھی خود ادا کرنا ہوں گے۔
پنجاب حکومت کی جانب سے نرسنگ کالجز میں داخلوں کی نئی پالیسی جاری کر دی گئی ہے جس کے مطابق ایف ایس سی میں 50 فیصد نمبرز حاصل کرنے والی طالبات داخلے کی اہل ہوں گی۔ نرسنگ کالجز میں داخلے کے لیے پنجاب کے ڈومیسائل کی شرط لازمی قرار دی گئی ہے جبکہ شاہدرہ ٹیچنگ ہسپتال کے نرسنگ کالج میں صرف مرد طلبا داخلہ لے سکیں گے۔
سرکاری کالجز میں مجموعی طور پر 3100 سیٹیں مارننگ اور 3000 سیٹیں ایوننگ شفٹ کے لیے مختص کی گئی ہیں۔ ٹیچنگ ہسپتالوں سے منسلک نرسنگ کالجز میں 100، 100 سیٹیں جبکہ ڈسٹرکٹ ہسپتالوں سے منسلک کالجز میں دونوں شفٹوں کے لیے 50، 50 سیٹیں مختص کی گئی ہیں۔
تازہ ترین خبروں کے لیے پی این آئی کا فیس بک پیج فالو کریں
