اسلام آباد(پی این آئی) گاڑیوں کے شوقین افراد کیلئے پھر بُری خبر آگئی۔۔ پاکستان میں ٹویوٹا گاڑیاں بنانیوالے انڈس موٹرز نے اپنا پیداواری پلانٹ 25 اگست 2023ء سے 6 ستمبر 2023ء تک عارضی طور پر بندکرنے کا اعلان کیا ہے۔
ٹویوٹا انڈس موٹرز پاکستان نے اس حوالے سے پاکستان اسٹاک ایکسچینج کو خط لکھ کر آگاہ کر دیا ہے۔ انڈس موٹرز کی جانب سے بتایا گیا ہے کہ مالی سال 2022-23 میں بڑے معاشی چینلجنز کا سامنا رہا، ڈیوٹیز اور ٹیکسز میں نمایاں اضافے ہوا اور مہنگائی کی وجہ سے صارفین کی قوت خرید مسلسل کم ہوتی گئی۔ کمپنی کی جانب سے مزید کہا گیا کہ مالی سال 2022-23 میں نئی گاڑیوں کی طلب میں مسلسل کمی کا سامنا رہا اور خام مال کی درآمد میں مشکلات کا سامنا رہا۔
تازہ ترین خبروں کے لیے پی این آئی کا فیس بک پیج فالو کریں
