راولپنڈی (پی این آئی) فوجی فرٹیلائزر کمپنی (ایف ایف سی) نے سال 2022 کے لیے اپنی پہلی کارپوریٹ بریفنگ کا انعقاد کیا جو کہ بہترین کارپوریٹ گورننس کا ایک حصہ ہے۔
ایف ایف سی کو پاکستان اسٹاک ایکسچینج (PSX) نے 10 سالوں سے لگاتار ٹاپ 25 کمپنیوں میں سر فہرست کمپنی کے طور پر تسلیم کیا ہے جس کی وجہ کمپنی کا کوڈ آف کارپوریٹ گورننس، کمپنی کی کارکردگی اور موثر انتظام ہے۔
اسی پس منظر میں 31 دسمبر 2021 کو ختم ہونے والے سال کے لیے پہلی کارپوریٹ بریفنگ FFC کے کارپوریٹ ہیڈ آفس، راولپنڈی میں منعقد ہوئی جس میں کیپیٹل مارکیٹ کے ممتاز تجزیہ کاروں اور PSX کی معززین محترمہ رائدہ لطیف نے بذریعہ VC شرکت کی۔
کمپنی سیکرٹری ایف ایف سی، بریگیڈیئر عسرت محمود (ریٹائرڈ)، ستارہ امتیاز (ملٹری) نے اجلاس کا آغاز کیا اور ایوان کو تقریب کی اہمیت سے آگاہ کیا۔ چیف فنانشل آفیسر، جناب محمد منیر ملک نے ہاؤس کو ایف ایف سی کی سال 2021 کی کارکردگی کے بارے میں بریفنگ دی، تجزیہ کاروں کی طرف سے اٹھائے گئے مختلف سوالات کے جوابات دیے اور کارکردگی کے اعلیٰ معیار اور مستقل آمدنی کے حصول کے لیے کمپنی کے عزم کا یقین دلایا۔۔۔۔
تازہ ترین خبروں کے لیے پی این آئی کا فیس بک پیج فالو کریں
