عوام سے پیٹرولیم مصنوعات پر کتنا ٹیکس ؟ ہوشربا انکشافات

وزارت پیٹرولیم کا انکشاف: پیٹرول اور ڈیزل پر صارفین سے 80 روپے سے زائد ٹیکسز وصول کیے جا رہے ہیں

اسلام آباد: وزارت پیٹرولیم نے قومی اسمبلی میں پیٹرولیم مصنوعات پر صارفین سے وصول ہونے والے ٹیکسوں کی تفصیلات پیش کر دی ہیں، جن سے انکشاف ہوا ہے کہ پیٹرولیم مصنوعات پر تین طرح کے ٹیکسز صارفین سے وصول کیے جا رہے ہیں۔

دستاویزات کے مطابق صارفین سے ہائی اسپیڈ ڈیزل پر 78 روپے اور پیٹرول پر 82 روپے ٹیکسز وصول کیے جاتے ہیں۔ ہائی اسپیڈ ڈیزل اور پیٹرول پر 10 فیصد کسٹم ڈیوٹی بھی عائد ہے۔

تفصیلات کے مطابق ہائی اسپیڈ ڈیزل پر 75 روپے 41 پیسے پیٹرولیم لیوی، 2 روپے 50 پیسے کلائمنٹ سپورٹ لیوی اور 10 فیصد کسٹم ڈیوٹی وصول کی جا رہی ہے۔

اسی طرح پیٹرول پر 79 روپے 62 پیسے پیٹرولیم لیوی، 2 روپے 50 پیسے کلائمنٹ سپورٹ لیوی اور 10 فیصد کسٹم ڈیوٹی عائد ہے۔ فرنس آئل پر 77 روپے پیٹرولیم لیوی اور 18 فیصد جی ایس ٹی وصول کیا جا رہا ہے۔

مٹی کے تیل پر 18 روپے 95 پیسے اور لائٹ ڈیزل آئل پر 15 روپے 37 پیسے پیٹرولیم لیوی وصول کی جا رہی ہے۔

وزارت پیٹرولیم کے مطابق پیٹرولیم مصنوعات پر پیٹرولیم لیوی، پٹرولیم لیوی اور کلائمنٹ سپورٹ آرڈیننس 1961 کے تحت وصول کی جا رہی ہے، جبکہ کلائمنٹ سپورٹ لیوی یکم جولائی 2025 سے اکٹھی کی جا رہی ہے۔