واٹس ایپ میں بہترین فیچر متعارف

واٹس ایپ کی جانب سے چیٹ میسجز اور چینل اپ ڈیٹس کے ٹیکسٹ کا ترجمہ کرنے والے فیچر پر گزشتہ سال سے کام کیا جا رہا ہے۔

اب اس فیچر کو واٹس ایپ کے اینڈرائیڈ ڈیوائسز کے بیٹا (beta) ورژن میں متعارف کرایا گیا ہے۔WABetaInfo کی رپورٹ کے مطابق یہ ٹرانسلیشن فیچر بیٹا ورژن کے کچھ صارفین کو دستیاب ہے اور آنے والے ہفتوں میں اسے دیگر بیٹا صارفین تک توسیع دیے جانے کا امکان ہے۔

یہ فیچر اسپینش، عربی، پرتگیز، ہندی اور روسی سپورٹ کے ترجمے کو سپورٹ کرتا ہے۔اس فیچر کی خاص بات یہ ہے کہ ٹیکسٹ کے ترجمے کے لیے انٹرنیٹ کنکشن کی بھی ضرورت نہیں ہوگی۔بس صارفین کو مطلوبہ زبان کے لینگوئج پیک کو ڈاؤن لوڈ کرنا ہوگا جس کے بعد انٹرنیٹ کے بغیر بھی اس زبان کے ٹیکسٹ کا ترجمہ کرنا ممکن ہوگا۔

یہ لینگوئج پیک خودکار طور پر زبان کی شناخت کرکے آنے والے پیغامات کا ترجمہ بھی کرسکے گا۔اس فیچر کو آپ کو خود ان ایبل کرنا ہوگا اور اس کے لیے سیٹنگز میں چیٹ سیکشن میں جاکر اسے ان ایبل کرنا ہوگا۔وہاں صارفین انتخاب کرسکیں گے کہ وہ کس زبان کے میسجز کا خودکار طور پر ترجمہ کرانا چاہتے ہیں۔اس فیچر کو ون آن ون اور گروپ چیٹس کے لیے استعمال کیا جاسکے گا۔

اگر آپ چاہتے ہیں کہ میسجز کا ترجمہ خودکار طور پر نہ ہو تو پھر آپ میسج آپشنز میں جاکر ٹرانسلیٹ پر کلک کرکے ایسا کرسکیں گے۔رپورٹ کے مطابق مگر صارفین کو اس ترجمے پر مکمل بھروسا نہیں کرنا چاہیے کیونکہ واٹس ایپ کی جانب سے ترجمے کے لیے ڈیوائس میں لائٹ ویٹ لینگوئج پیکس پر انحصار کیا جائے گا۔البتہ واٹس ایپ کی جانب سے صارفین کے فیڈ بیک کو مدنظر رکھ کر ترجمے کو بتدریج بہتر بنایا جائے گا۔